Søknad om å stå på stand i SV-bygget

Søknad om å stå på stand i SV-bygget

Retningsliner for stand på SV-fakultetet

1) Kven kan stå på stand?

Alle studentorganisasjonar som er registrert under Velferdstinget har løyve til å stå på stand på SV-fakultetet: http://www.vtbergen.no/kulturstyret/medlemsorganisasjoner/

Andre ikkje-kommersielle aktørar må ta kontakt med Eigedomsavdelinga ved UiB (post@eia.uib.no) for å søkje om løyve til å stå på stand.

Kommersielle aktørar har ikkje løyve til å stå på stand.

2) Standområde og profilering

SV-fakultetet har eit eige standområde ved inngang til SV-fakultetet i 3. etasje som er ope for stand mellom 08-15. Her er det eit bord og stolar som kan nyttast til stand. I tillegg er følgjande profilmateriell lov å ta med:

• Roll-ups ved sidan av stand
• Plakatar på stand og i lovlege plakatområder
• Brosjyrar og anna profilmateriell til utdeling
• Enkel mat og drikke som ikkje er sponsa av, eller blir oppfatta som reklame for, kommersielle aktørar (kaffi, twist, smågodt, muffins og liknande).

Treng de å bruke lyd- og videomateriell må dette leggast inn som eit særskild ønskje under «Andre kommentarar» nedst i skjemaet. Fakultetet vil vurdere dette i kvart einskild tilfelle og gje tilbakemelding.

Profilmateriell som ikkje er lov:

• Produkt frå kommersielle aktørar (til dømes reklamemateriell, forbruksvarer, smaksprøver og liknande)
• Utstyr som blokkerar veg eller sikt for studentar (større plakatar/banner, møblar osv.)

3) Rydding

De har sjølv ansvar for å rydde og ta med all profilmateriell når de er ferdige. Dersom de skal stå på stand i fleire samanhengande dagar må de rydde standen etter kvar dag.

4) Vikeplikt

Løyve til å stå på stand er gitt under føresetnad av at det ikkje kjem i konflikt med anna verksemd på SV-fakultetet. Interne arrangement har alltid forrang, også dei som blir oppretta etter at løyve til stand er gitt.